Pro 20 | ZomZIV | STEP | Zu in mi simmawhsak a, zucil in mi kilaisak hi; tuate lamkhialhsak peuhmah a pil lo ahi hi.

Proverbs 20

1 Zu in mi simmawhsak a, zucil in mi kilaisak hi; ^a
tuate lamkhialhsak peuhmah a pil lo ahi hi. ^b
2 Kumpipa thangpaihna, humpinelkai hawk tawh kibang a; ^c
amah a hehsakte in a nuntakna tanlawh hi. ^d
3 Kisel ding a kidaam mi, mite in pahtawi a,
a hai peuhmah lah a kitawng pahpah hi. ^e
4 Mi zongzaw in lokhawh hunin kho lo a; ^f
anlak hunin a lak ding bangmah a om kei pah hi.
5 Mihing lungtupte tui thukpi hi-a,
a theitel mi in ahileh tuate a dimkhia hi. ^g
6 Mi a tamzaw in itnakip nei-in kigen ciat uh a,
ahi zongin mi muanhuai kua in mu zo ding hiam? ^h
7 A thumaan mi, kawkbang loin nungta a; ⁱ
ama nunga a tate in thupha ngahlawh uh hi. ^j
8 Thukhen dingin kumpipa a tokhom ah a tut ciangin ^k
gitlohna khempeuh a mit in haihkhia hi. ^l
9 Kua in, “Ka lungsim a siangtho-in ka kem a; ^m
mawh nei loin ka siang hi,” ci thei ahi hiam? ⁿ
10 Tawisuang kikim lo le tehna kikim lo -
a nihin TOPA in kihkhawm hi. ^o
11 Naupang nangawn a gamtatzia panin
a sianthona le a thumaanna kithei hi. ^p
12 Khuazakna bilte le khuamuhna mitte -
tuate gel TOPA bawl ahi hi. ^q
13 Ihmut nuamsa kei in na zawng ding hi; ^r
hak gega in na khamval ding hi.
14 A leite in, “Hoih kei, hoih kei,” ci uh a,
a paikhiat ciangin lah a vanlei kisialhpih hi.
15 Kham omin ruby tampi om hi;
theihna tawh a pau muk ahileh suang manpha takpi ahi hi.
16 Khualmi khat tangin mawhlawh tawi nadinga a piak puansilh la inla,
uklah numei tawh a kiciamna ahileh a kiciamna man dingin koih in. ^s
17 Zuauna tawh ngah an khum a, ^t
a nung ciangin kam sungah suangtang dim hi.
18 Hong ngaihsutpih thei ding zongin geel inla;
makai na neih ciang bekin galsim pan in. ^u
19 Mi gensiatna in muanna beisak ahi manin ^v
a kamtam luate peel in.
20 Mi khat in a nu hiam, a pa hiam a hamsiat leh ^w
kawhawm mial sungah a meivak kisumit ding hi. ^x
21 Acila gouluahna ngahpah,
a tawpna ah thupha hi lo hi.
22 “Na khialhna hong thuk na ve’ng,” ci kei in.
TOPA ngak in, ama’n hong hu ding hi. ^y
23 TOPA in tawisuang kikim lo kih a,
tehna maan lo in amah lungkimsak lo hi. ^z
24 Mi khat kalsuannate TOPA uk ahi hi; ^aa
kua in ama lampi theitel thei ding ahi hiam? ^ab
25 Na khatpeuh mawk-appak a,
a kiciamna nung ngaihsut mihing adingin thang suak hi. ^ac
26 A pil kumpi in migilote haihkhia a,
an cilna lengpei a hualsak hi.
27 TOPA meivak in mihing kha ^{▼▼20.27 Ahikeh Mi khat lungsim TOPA} zonga, ^ae
a sungtawng dong zongkhia hi. ^af
28 Itna le muanhuaina in kumpipa humbit a;
itna tungtawnin a tokhom kip hi. ^ag
29 Khangnote minthanna in a thahatna uh hi-a,
putekte thupina in a samkang uh ahi hi. ^ah
30 Vuakna le liamma in gitlohna siangsak a, ^ai
satna in a sungtawng dong khuahsiang hi. ^aj